ಆದರ್ಶ ಮಹಿಳೆ ಶಾಲಿನಿ ಕಾಳೆ
*********
ಕನ್ನಡ ವೈಶ್ಯ ಸಮಾಜದ ಆದರ್ಶ ಮಹಿಳೆ|
ಎನಿಸಿ ಕೊಂಡಿಹರು ಶ್ರೀಮತಿ ಶಾಲಿನಿ ಕಾಳೆ |
ಸಮಾಜ ಸೇವೆಯೆ ಇವರ ಉಸಿರು ಕೇಳೇ|
ಅಭಿನಂದನೆಗಳು ಹರಿದು ಬರುತಿದೆ ಬಹಳೇ||೧||
ಒಂದಿನಿತು ಅಹಮಿಲ್ಲ ಹೊಗಳಿಕೆಯು ಬೇಕಿಲ್ಲ|
ಹಗಲಿರಳು ದುಡಿದರೂ ದಣಿವೆಂಬುದೇ ಇಲ್ಲ|
ಜನ ಸೇವೆಯೇ ಜನಾರ್ಧನ ಸೇವೆ , ಸೊಲ್ಲ|
ನಂಬಿ, ಜನಾದರಣೀಯರಾಗಿಹರಲ್ಲ||೨||
ಅಭಿವೃದ್ಧಿ ಬಯಸಿ ಮಹಿಳೆಯರ ಮಕ್ಕಳ|
ಸಂಸ್ಥಾಪಿಸಿದರು ಶ್ರೀ ಶಾರದಾಂಬಾ ಮಹಿಳಾ ಮಂಡಳ|
ಹೊಲಿಗೆ, ಕಸೂತಿ ತರಬೇತಿ, ಕುಂಕುಮ ತಯಾರಿಕೆ, ಹಪ್ಪಳ|
ಜೊತೆಯಲಿ ಗುಡಿಕೈಗಾರಿಕೆಗೆ ವತ್ತು ನೀಡಿದರಸದಳ||೩||
ಕನ್ನಡ ವೈಶ್ಯ ವಿದ್ಯಾನಿಧಿ ಸಂಸ್ಥೆಯ ನಿರ್ದೇಶಕರಾಗಿ|
ಶ್ರೀ ಶಾರದಾಂಬಾ ಮಹಿಳಾ ಮಂಡಳದ ಅಧ್ಯಕ್ಷರಾಗಿ|
ಸನಾತನ ಧರ್ಮದ ನಿಜ ಪ್ರವರ್ತಕರಾಗಿ |
ಜೀವನ ಸವೆಸಿದರು ಅಧ್ಯಾತ್ಮಿಕ ಚಿಂತಕರಾಗಿ||೪||
ಭಾರತೀಯ ಸೇವಾದಳದ ಸದಸ್ಯರಾಗಿ|
ಈಶ್ವರೀಯ ವಿಶ್ವವಿದ್ಯಾಲಯದ ಸೇವಾಕರ್ತರಾಗಿ|
ಸರಕಾರಿ ಬಾಲವಾಡಿ, ಪಿ.ಎಂ. ಶಾಲಾ ಶಿಕ್ಷಕಿಯರಾಗಿ|
ಸೇವೆ ಸಲ್ಲಿಸಿಹರಿವರು ಯಶಸ್ವಿಯಾಗಿ||೫||
ಬಾಲ ವಿಕಾಸ ಕೇಂದ್ರ ತೆರೆದರು ಬಾಲಕರಿಗಾಗಿ|
ಭರತನಾಟ್ಯ, ಸಂಗೀತ ಶಾಲೆ ನಡೆಸಿದರು ಕಲಾ ಪೋಷಕರಾಗಿ||
ಪಾಕ ಶಾಸ್ತ್ರ ಸ್ಪರ್ಧೆ ಏರ್ಪಡಿಸಿದರು ಮನೆ ಅಡುಗೆ ಪ್ರೋತ್ಸಾಹಕ್ಕಾಗಿ|
ಯೋಗಾಭ್ಯಾಸವೂ ರೂಢಿಸಿದರು ಸದೃಢ ಆರೋಗ್ಯಕ್ಕಾಗಿ||೬||
ಸರಳ, ಸಜ್ಜನ, ಮೃದುಮಿತ ಭಾಷಿಗಳಿವರು|
ಅಪರೂಪದಲಿ ಬಲು ಅಪರೂಪ ಇಂಥವರು|
ಗೌರವಾದರದಿಂದ ಗೌರವಿಸಿ ನಾವೆಲ್ಲರು|
ಪ್ರಾರ್ಥಿಸುವೆವು ಆಯುಷ್ಯ ‘ಆರೋಗ್ಯ ವೃದ್ಧಿಸಲೆಂದು ದೇವರು||೭||
ಡಿ.ಜಿ. ಶೆಟ್ಟಿ
ವಿಶ್ರಾಂತ ಕ್ಷೇತ್ರ ಆರೋಗ್ಯ ಶಿಕ್ಷಣಾಧಿಕಾರಿ
ಅಂಕೋಲಾ
